Estrea de Radio Cu Cu no Festival Curtocircuíto

Radio Cu Cu estrearase na sección Planeta GZ do XVIII Festival Internacional de Cine Curtocircuíto o vindeiro martes 5 de outubro ás 21.30h.

Farao na segunda sesión da sección onde estará acompañando aos traballos: Eu máis de Ángel Montero Vázquez; Os Corpos de Eloy Domínguez; Augas abisais de Xacio Baño; Inside the microtubule de Judith Adataberna; e FADE TO BLACK de Alejandra Pombo Su.

A primeira sesión proxectará os traballos: Homeless Home de Alberto Vázquez; A Comuñón da miña prima Andrea de Brandán Cerviño; Formigón de Antía Carreira; Rumbo a Eleusis de Borja Santomé; Hermosos Arándanos de Carlos Iglesias Losada; e Auria, última noite de Dani Cornes e Ariadna Cordal García.