Dislocación no Festival Plataforma

O día 9 de xuño entraremos no CGAC a vivir. Habitaremos unha das salas, a última da planta baixa que ten unha ventá que cubre toda a parede do fondo. Estaremos alí ata o 19 de xuño.

Igual que os fareiros viven no faro para acendelo, nós converterémonos en bucineiros e faremos soar tres bucinas que estarán instaladas na terraza do edificio, apuntando cara a zona vella de Santiago. Tocarán todos os días a calquera hora dúas ou tres veces.

Será un exercicio de dislocación.

(Aínda que entramos o 9 estaremos encerrados na sala ata o día 10, que se inaugura o festival, e non se nos poderá ver)

Ver toda a programación do Festival